Anong gusto mo?

Gusto mo bang maging mang-mang o matalino? Ang pagiging matalino ay hindi lamang “pag-iwas sa gulo” o kaya naman ay “pagiging edukado, successful at mayaman.”

Maraming tao ang sinusubukang maging matalino nang hindi naman alam kung ano ang tama. Sinusunod nila ang mga popular na opinyon, at kapag nagbago ang mga opinyong ito, ang kanilang paniniwala ay nagbabago rin. Sinusubukan nilang marating ang ‘di nakikitang standard sa kanilang buhay at nag-iiba ito depende sa kung sino man ang kanilang makaharap. Tinatawag ng Bible ang mga ganitong klase ng tao na “mang-mang” dahil “nadadala at naihahangin sila ng bawat bagong katuruan” (Ef. 4:14).

Wala silang matibay na pundasyon.

Kapag sinabing “pagtayo ng ating buhay sa karunungan”, ang ibig sabihin ay pagtayo natin sa siguradong pundasyon–si Jesus Christ. Itinuturo ng Bible kung papaanong mamumuhay sa karunungan at maisasapamuhay ang ating paniniwala sa Panginoon. Natututunan natin kung paano natin Siya maigagalang nang husto.

Ang totoong matalino

Ang pamumuhay sa karunungan ng Diyos ay higit pa sa kaalaman sa kaisipan. Nakikita ito sa bawat desiyon na ating ginagawa na nakalinya sa katotohanan ng Kaniyang Salita. Ang opinyon lamang Niya ang tunay na mahalaga.

Ang karunungan ay hindi lamang kaalaman ng mabuti at masama. Ito’y sa pagsasagawa kung ano ang tama. Madalas ang ‘katalinuhan” ay iba sa karunungan ng Diyos. Maaaring ang salitang ito’y pagganti sa mga taong nakasakit sa’yo, pero ang itinuturo ng Diyos ay magpatawad. Inaakala natin na okay lang magalit sa ating mga kaaway, ngunit ang sinasabi ng Diyos ay mahalin sila kahit na hindi naman nila deserve.

Tandaan natin: Ang totoong matalino ay ang namumuhay ayon sa pamantayan ng Diyos, hindi lang sa kung anong popular na opinyon.